眼光光的, 半睡半醒到 2:30am, mountain guide 叫醒我. 執好行裝, 就出發攻頂了. 行了不久, 到一個登記處,
又登記上 peak. 同埋會問你要唔要 cert, rm10, 當然要啦, 張 cert 咁靚 (rj 包埋的). 記住對清楚個名.
我的登山證申錯我英文字……..摸黑出發, 頭燈很有用, 鴨記 $40 led 貨仔一點也不差, 又夠亮. 雖然休息了大半天, 但腳部的力量似乎只有一半, 幸好有手杖幫我,
一步一步登山. 有些地方好像爬山咁, 要拿實條麻繩上去. 真係好累, 點解行 2km, 升 800m, 行咁耐都未到, 未見到 Low’s
peak, 只聽到自己不斷的呼吸聲…….幾時先到呀……
行了 2 個多小時. mountain guide 話有 5 mins 到啦, 嘩…..加油呀. 上呀, 上呀. 到啦. 行了 2 天路,
終於到啦. 真係好滿足, 很開心, 我登上了東南亞第一山峰了!!! 山頂 Low’s peaks 雖然很細, 但人們很有秩序的影相,
再找個位置休息, 等日出.
今天的日出時間是 6am 多, 眼見個天漸漸的光, 由漆黑一片, 到天亮, 世界真的很美妙, 很美麗. 日出的時間很快, 不到 5 mins, 太陽已整個出來.
是時候下山了, 天亮了, 四周的景色原來是多麼的美. 在中途, mountain guide 話我聽後面就係 Low’s peak,
提我影返相張. 下山比我想像中易, 我用手杖借力, 盡量減少膝頭哥的負荷. 我快快的下山, 7:30 就到 laban rata,
食返個早餐, 就下山了.
由於我很想快些回 kk 沖返個涼, 休息下. 我快快下山, 用了 2.5 hrs 就回到山腳了. 在等車期間, 有隻小蜜蜂在我身邊飛來飛去,
我就影底了佢. 回到 headquarter, 已經可以拿 cert, 本來 rj 仲包在 headquarter 餐廳食返餐,
但我太想回家, 快快回 kk 市了.
中途我見 mountain guide 都會回收 d 鋁罐幫補下收入, 看來佢地收入都係唔多. 我問下佢一星期行幾多次神山呀 ? 佢話通常行 2 次左右. 離別時, 我俾了一些 tips 佢, 算係自己少少心意.
我曾質疑付出那麼多上山是否值得, 但試過之後, 就覺得很值得. 當你辛苦過, 付出過, 得到的感受/享受, 那種滿足感, 是一個十分美好的體會. 怪不得每年都有成千上萬的人, 排隊上神山. 神山的確有佢的魅力!
回到 kk 後, 四處走一走 kk 市, 買了 2 張名信片, 在 post office, 寄返自己屋企. kk 市不太大,
亦沒有什麼好買. 今天的晚餐在 centre point 的一間西餐廳食. 叫了湯, 好味, 意粉, 好味, 西瓜汁, 都好味,
但拿獎的冬陰公麵就麻麻地, 沒有特別. 吃飽飽就到 waterfront 行下, 吹下海風. 好不寫意.
晚上的路牌
到達 Low’s Peak 了.
例牌菜
靜靜的看日出
一天的開始
山頂望下去
山頂凍到結冰
圖中的動植物, 你看到幾多樣呢 ?
在這裡食晚餐, Imperial Boutec Hotel 商場內
第 8 天
今天回 hk 了.
早上我四處走走, 到雙天對面的地方行下, 見到有間茶室, 很多人坐下來吃個早餐, 看份報子. 我也跟他們一樣, 坐下來, 感受一下沙巴的早晨茶餐. 雖然沒有冷氣, 但頂頭有風扇, 一點也不熱.
離開 Imperial Boutec Hotel, 搭的士 rm20 到機場, 冇耐就見到雪條佬, 沙巴導遊很有交帶, 昨天己打俾我
confirm 一切, 我放心的拿著雪條回家, 親戚朋友都食得很開心. 就這樣, 結束了這次8 天沙巴上山下海 好玩 驚險 刺激 辛苦
回味的旅程了.
沙巴出名的神山攻頂, 頂級潛點詩巴丹島, 這次旅程也能參與, 真的很滿足了. 比起小弟去過的北京, 台灣, 曼谷, 布吉, 東京, 大板, 南韓, 吉隆坡, 沙巴似乎是最好玩的地方.
多謝收看.
嘆個早餐
雪條幾好保溫!!
Herz 租車有特價
沒有留言:
張貼留言