今天要 7:45 去到 sj, 一早又唔肯起身, 趕住 check out 啦…..留下行李在 seafest, 2 天後返來拿.
行去 sj, 登記就去附近食早餐, 係 sj 的宿社果度, 自助式, rm5 埋單, 食得飲得飽啦.
SJ 出面, 真係幾 cool
沙巴潛水真係好正 o架, hkd $630 就全包可以在馬寶島潛 3 dives, 詩巴丹都只係 $1000 到全包3 dives.
由仙本拿 Semporna到馬寶島, 約 1 hr, 馬寶島的水都幾清, 幾多魚.
到達馬寶島, 就在 Sipadan Water Village Resort 附近玩潛水, 今天有些雨, 風浪又比較大.
太耐冇潛水, 1 dive 下降唔到深水, 反壓唔到. 用嘴左右郁都唔掂. 同埋老婆玩體驗潛水, 又要陪下佢, 話咁快就 1 dive.
老婆入水就好驚, 但表現不錯了, 在水底都吸了幾分鐘氣, 比我初次玩, 好很多了. sj 的女教練亦好有心機教佢好多野, 比布吉的好很多. 連我都教埋, 因為好多野唔記得哂 lu, 哈哈.
到 2 dive, 我慢慢下降+按鼻反壓, 咦, 好似反到壓啦喎, 真怪, 我學果時, 不嬲只係郁嘴就反到壓. 今次就要加埋按鼻先 ok.
搞掂反壓, 就去海底世界探險了. 玩了 1/2 hr, 就到老婆再玩 2 dive. 我就用個防水袋+dc , 幫佢影下 movie /
相咁啦. 今天下雨 , bad luck, 水底不是太清, 希望明天去詩巴丹好 d.
tips: 出島最好自備一條大巾, 因為上水有時會凍, 可以蓋一蓋, 差好遠, 冇咁凍.
最好自備一支水, 呢度唔似布吉, 有免費汽水供應.
玩完都 1pm 幾, 去 sj 在馬寶島上的根據地食野, 由碼頭行去 5mins 很近. 但 lunch 超難食, 好啊, 我都減肥呀. d 炒麵又唔熱, 炸薯仔, 小小雞, 小小香腸. 有凍熱水供應, 其實可以自己帶個合味道去囉, 應該會正好多.
跟住就 check-in 住宿了, 嘩嘩嘩……..成間高腳屋呀, 估唔到咁靚, 我以為住宿舍/公共廁所渣. rm80 一人,
就係十分正. 係冇冷氣囉, 冇計啦, 島上電力有限, 呢 d 富貴野, 少一晚好閒 o者. 有風扇都 ok o既, 一樣住得好舒服.
check-in 完就去個島上行下影下相, 我慢慢行又影下相, 行了成個鐘先一個圈啊. 其他 resort 真係好靚, 又有私人碼頭, 橋仔. 好靚.
呢度係 sipadan water village
島上唔係淨係遊客住架, 仲有原居民好友善, d 小朋友好得意, 主動和你 say hello. 但佢地應該幾窮囉, d 幾歲的小朋友, 有
d 冇衫著, 四處去玩, 去游水. 有 d 個肚好脹大, 我估係食唔飽囉, 見到人地咁樣, 生活在香港, 實在幸福很多.
http://www.youtube.com/watch?v=Tktukj55OEw
如果想買野食, 在 sj 行出海邊, 轉左行, 冇幾耐就會見到 d 原居民開的小食店架啦.
行了一圈, 回到高腳屋, 就休息一下, 坐在沙灘椅, 飲杯野, 打了呢 2 天的日記了.
晚餐在 sj 食, 有 fish & clips / 雞, 雞有少少辣, 呢餐好食好多, 另外佢地有汽水賣, rm2.5, 之前豬了, 在人地 resort 買了罐汽水, 貴了一倍多.
食完飯, 行去海邊吹吹風, 看看星, 真的很 relax. 完全有渡假的感覺.
這是天堂嗎 ?
坐係度望海, 呆呆的, 很不錯.
小朋友開檔
間屋好多花
Mabul Resort
有私家泳池仔
食完 lunch 之後, 這個晚餐太美炒了.
晚上的鑽油台
坐在這裡看星星多麼爽.
島上的椰樹
沒有留言:
張貼留言