今天是 hea 日, 養足精神明天登山, hea 就 hea啦, 但嚇餐飽.
check out 後, 去行下 1borneo 地下的大型超市, 好似冇乜野好買, 食完野, 又揸車返去 kk Imperial
Boutec Hotel check-in, 成 2:30pm 都未俾房我. 我放低野就出去行下啦, kk 冇乜野好行, 又冇乜野好買.
買完肉乾, 就去味雅食個海南雞. kk plaza 裡面地下的超市又行下, 又係冇乜野好買……
之後冇乜特別我揸車去四圍行下, 諗住揸去富源茶室啦, 又唔識路, 行錯哂.架車玩到而家, 先冇了一格油, 諗住去油站入少少啦, 我又唔識入油, 做手勢話俾佢聽, 我要入 2 格油, 點知佢幫我打爆個油箱. 多謝 rm40.
我再繼續行程, 後尾架車死埋火, 揵唔著車. 仲要係死在快速公路, 又好好彩, 有個馬來西亞人 (佢唔係好識英文)經過, 咁我乜都唔識, 咪求救囉.
佢望下我架車, 就打開車頭, 扭開個 battery, 話裡面冇水, 我咪拿 d 水俾佢囉, 佢話 no, no. 叫我附近超市 (要行
200m)買 for car 用的, 我聽到 rm50, 咪俾佢囉. 佢話 no, 係 rm5. 我唔識買呀, 咪做手勢叫佢幫我去買囉,
佢又好好喎, 肯幫我買, 仲找返錢俾我. 又幫我入返 d battery 水.
入完 battery 水都係揵唔著, 因為冇哂電. 咁我又唔知點算啦, 佢話要差電, 跟住佢話要返去拿野, 跟住過了 2 條高速公路,
20mins 後, 佢拿住條差電 cable 返來, 我知道要截車幫我過電了, 咪企在旁邊, 2 條手係咁揮囉, 冇一架車停低理我,
佢笑笑口話唔駛. 等了 5 mins 都係冇車停低. 佢叫我坐入車, 扭o太, 跟住幫我推架車向後, 又泊返好個位, 再截. 等了
10mins, 終於有個好心人停低架車幫我過電了.
我好多謝佢啦. 佢叫我載佢到前面 (手口並用), 我當然冇問題啦. 我又唔識路, 加上揸車已經失哂信心, 好怕又整死架車. 咪叫佢揸囉, 我做乘客. 途中佢話去前面搭車返屋企, 我問佢係咪在我死車的位置返工, 佢話係,
送到佢搭車的地方後, 佢就去搭公共巴士了. 我俾了 rm50 多謝佢, 佢唔肯要, 我堅持. 之後佢又做手勢話 rm10 已經可以, 我話
no,no. you’re very good, you help me a lot. 我叫了很多次 "please"
佢先肯要. 我真係好感激佢.
馬來西亞人真係好好人, 肯咁樣幫我, 大家只係用少少英文加埋手勢溝通, 整了成 45mins. 如果唔係佢, 我在高速公路不知點算……
晚上到雙天食海鮮, 坐底後, 有人會走埋來問下你飲乜呀, 要唔要串燒之類, 我地叫了深海蟹, 大蝦, 炒蜆, d 蜆好大隻. 野就好新鮮又平, 但煮工就唔及 hk 啦. 果然世上沒有完美.
回到酒店上下網, 晚上 11:00, 間房冷氣漏水, 又突然停電. 搞了 0.5 hr 都未搞掂, 搞到我要換房. 換了房又有時上唔到網……廁所又塞…..我明天要 5:45am 起床呀…..
1 Borneo 的 freebus 時間表, 網友都時間不太準, 要早 d 到.
lunch 去了這間食肉骨茶
在停車場望出海, 見到 pacific hotel, 前面就係 waterfront.
有人俾人抄牌, 唔知罰幾多錢 ? 又點俾錢呢 ?
kk 市內
My Car
Imperial Boutec Hotel, 雖然問題較多, 但都乾淨和抵住.
考智力時間, 睇你點樣開到熱水用
沒有留言:
張貼留言