1. 在 kk 機場 terminal 1 (t1) 會有錢唱, rate 麻麻地. 但如果直去斗湖, 都係唱定先好, 因為晚上斗湖機場, 仙本拿, 都冇錢唱, 很麻煩. 要預好哂潛水的錢, 因為俾 visa 要俾 3% charge.
2. 其實斗湖市雖然有海鮮食, 有街行, 但車程太遠, 車費又貴, 由仙本拿只有的士去斗湖要 rm150, 斗湖市到斗湖機場, 搭酒店車要 rm50, 由仙本拿到斗湖機場經 sj 訂, 只係 rm80 (2人) o者. 所以個人認為在仙本拿住多晚好 d.
3. 租車停在商場路邊, 收費都幾貴 (rm5 一天, 什麼 jocky club???). 停在停車場上面, 就平好多. 入油自助式, 入張信用卡就 ok.
4. 睇長鼻猴, 最好帶埋望遠鏡, 會望得清楚好多.
5. 美味雪條可以搵當地導遊幫你訂, 7 盒起, 價錢唔會貴過機場囉, 2個發保膠, 保溫好好多. (機場賣 rm19.9).
6. 上神山, 你需要有 2 樣野其中一樣, 一係毅力, 一係體力. 如果 2 樣都冇, 可以返家訓教, 真係唔係講玩. 但還是很值得去,為了什麼? 為了證明 "我做得到!!", 這是很好的經歷. 由其是後生仔, 體力好, 更應該去. 上山設備要足夠, 山頂得 0 度, laban rata約 10度. 件外衣要夠厚, 我自己著件夾綿防水外套都 ok. 先向上行 5km 到 laban rata, 休息到 2:30am 就起身再行 2km 上神山. 頭3km已不斷用哂 d 體力, 在很累的情況下, 仲要向上行, 行呀行, 真係好辛苦. 手杖係必需,可以幫你用上身的力,減少用腳部的力量. 要避免一大步行向上, 咁樣會好累, 揀 d 細細步向上行的路上去好. 一開始就要保留體力,後面的路會更辛苦. 新山 booking web http://www.mountkinabalu.com/
7. Digi 電話卡好好用, 用來 call local tour, 訂雪條呀. rm8.5, 有 rm 5 面額, 就算得返 rm0, 打唔出, 都可以接收電話 90天. http://www.digi.com.my/prepaid/why_prepaid/pre_bv_90days.do
8. Imperial Boutec Hotel 除非你鐘意望景, 唔係訂最平的 count room ok 了. 只係個景有 d 唔同, 和間房大 d d. 房內設備差不多的.
9. 如果諗住去詩巴丹, 就要早 d 訂啦. 因為 full 哂的話, 你有機會沒有 permit 去唔到的. 我自己就早 3 個月訂. 請各香港人珍惜所有中國人的面子, 不要放飛機, 不負責任! 如果真係去唔到, 都要早 d 通知人地, 睇下點樣解決. 唔好要人地蝕本, 影響之後所有中國人, 冇面見人!!!!
10. 訂酒店, 要格下價, 有時在官方網頁訂會比較平.
11. 神山攻頂, 要有住宿先可以. 一種係自己訂, 平 d. 一種係跟 agent, 貴 d, 但服務好. 如自己訂記住早 d 訂 (6個月之前), 因為佢真係好 full, 成日冇位.
神山住宿越來越貴, 如果想平 d, 可以考慮一兩星期前再問, 可能有機會有位, 同埋平 d. 但有機會冇得玩囉……睇你想要 $$$ 多 d, 定係想要上神山多 d ?? 自己揀.
12. 沙巴肉乾存放時間很短, 室內可以存一星期左右, 放在雪櫃可以存二星期左右, 要盡快食用.
13. 沙巴 agent 有時覆 email 會好耐, 如太耐沒有回應, 應該打電話去問清楚. 神山攻頂 , 詩巴丹潛水都是很熱門和 limited 的活動, 要很早訂位.
14. Hertz Car rental KK http://www.simedarbycarrental.com/Hertz_Reservation.aspx 大牌子租車, 費用平, 可惜只能在機場借車, 還車
網站推介 :
1. http://map.e-sabah.com/map.php?town=kotakinabalu&lang=zh-tw 沙巴地圖, 大多數景點都有. 很方便
2. http://www.discuss.com.hk/viewthread.php?tid=7406541&page=1 吱喳妹＠沙巴既驚且喜超辛苦激好玩の自由行遊記(大功告成), 很 details , 值得參巧.
3. http://lindatang.multiply.com/tag/%E6%B2%99%E5%B7%B4%E4%B9%8B%E6%97%85 linda 去了很多沙巴酒店, 有很多相
4. 有線沙巴 gogogo 的介紹 http://www.youtube.com/results?search_type=&;search_query=%E6%B2%99%E5%B7%B4GOGOGO&aq=f
本人幫襯過, 又覺得 ok 的公司.
1. 潛水, Scuba Junkie http://scuba-junkie.com/diving/ 咁多間公司, 佢 reply 比較認真, 有問有答. 島上的住宿也不錯. 呢間野多鬼佬, 溝通都係用英文為主.
2. 上神山, River Junkie http://www.river-junkie.com/ 格了幾間價, 呢間比較平. staff 也不錯, 很有禮貌. 但 arrange 唔到中文 mountain guide 給我.
3. 完美假期 local tour, 很多 hk 人幫襯, http://www.perfectholidaysborneo.com/
FAQ
1. 有人問我呢次行程係咪好貴, 其實平過去日本好多.
使費如下, 以 hkd 計算, rm1 換到 hkd2.1.
MAS 特價機票 kk <-> hk $750
Air Asia 特價機票 kk <-> tawau hk$268.5
tawau > 仙本拿 $169 可坐 2 人
仙本拿 seafest 酒店 $208 一晚
馬寶島住一晚 $168 / 人
由此可見, 去斗湖潛水, 並非很貴.
2. 我呢次唔計買野, 8 天每人約 hkd$6000
3. 您0係邊度租車架 ? 租金點計 ? 按金幾錢 ? 手續如何 ?
http://www.kmtglobalrentacar.com/index.asp?menu=rental
我在這間租車. 唔駛按金, look 卡 only. 一出機場就租, 都幾好玩. 又抵玩.
係 hk 一定搵唔到呢 d 樂趣.
不過人生路不熟, 係揸車最大的問題, 不過都唔怕 o既, 行錯 o左, 咪再行過囉, 大把掉頭位, 只要你有時間.4. 開頭上山, 我只穿短衫短褲, 上到山一半, 就著多件保暖透汗長衫. 是這樣就行到 rest house. rest house 是 8-10度.
由 rest house 上山頂, 就底衫+保暖透汗長衫+保暖的長運動褲 ( 2 層, 裡面有網仔的運動褲)+一件夾綿防水的外套.
山頂的溫度是 0 度, 但行上去係運動緊, 所以唔會覺得凍. 最好記住帶埋 Heff 頭巾, 頸都保暖.
但保暖都要夠, 因為等日出時, 係坐係度食風嘛.
